Biblioguías: Publicidade e relacións públicas: Bases de datos

Bases de datos

As bases de datos son potentes ferramentas para a investigación, empréganse para obter información académica sobre un tema. A biblioteca selecciona e subscribe bases de datos de interese para o teu ámbito de estudo, tanto de carácter multidisciplinar como especializadas.

Algunhas bases de datos permiten acceder directamente ao texto completo das publicacións; cando non é así, podes comprobar se a Biblioteca Universitaria ofrece acceso ao texto completo premendo no botón Botón Buscador Perseo

Imaxe: Rexistro bibliográfico co botón de Perseo na base de datos Web of Science

Bases multidisciplinares

Dialnet Plus
Recompila literatura científica hispana: artigos de revistas, teses, libros, reseñas bibliográficas e actas de congresos. Céntrase principalmente nos ámbitos das ciencias humanas, xurídicas e sociais.
- Nota sobre o acceso: para poder consultar este recurso dende fóra da Universidade de Vigo cómpre configurar o proxy no seu navegador seguindo estas instrucións ou ben rexistrarse utilizando un enderezo de correo electrónico da Universidade de Vigo.
- Outras guías e titoriais: Videotitorial
Scopus
Indexa diversos tipos de documentos (artigos, capítulos, actas de congresos, patentes etc.) de todas as disciplinas científicas, cunha cobertura xeográfica moi ampla. Ademais, proporciona métricas derivadas das citas dos documentos polo que se emprega tamén na avaliación da produción científica.

Outras guías e titoriais: videotitorial
Web of Science
Plataforma que da acceso a varias bases de datos bibliográficas multidisciplinares e outros produtos de Clarivate (JCR, Incites etc.).
- A colección principal da Web of Science ou “Core Collection” inclúe: Science Citation Index Expanded (1900-), Social Sciences Citation Index (1956-), Arts & Humanities Citation Index (1975-), Conference Proceedings (1990-), Emerging Sources Citation Index (2019-), Book Citation Index (2005-), Current Chemical Reactions (1985-) e Index Chemicus (1993-).
- Outras guías e titoriais: Training resources Web of Science .
- Subscrita pola Biblioteca da Universidade de Vigo coa colaboración da Fundación Española para la Ciencia y la Tecnología, Ministerio de Ciencia, Innovación y Universidades.

Bases especializadas

Autocontrol
Códigos e normas de autorregulación de Autocontrol e doutros organismos de autorregulación españois e estranxeiros.

Solicite o contrasinal de acceso na biblioteca. Se o solicita por correo electrónico, identifíquese co seu nome, apelidos e dni.
Lembre desconectarse antes de pechar a sesión para non bloquear o acceso.
Business Source Premier
Base de datos a texto completo sobre xestión, economía, finanzas, contabilidade e negocios.
- Inclúe tamén outras fontes de información a texto completo como informes económicos nacionais de EIU, Global Insight, ICON Group, CountryWatch e perfís detallados das 10.000 empresas máis grandes do mundo.
- Outras guías e titoriais:
  - Busca avanzada en Business Source Premier
  - Vídeo da sesión formativa para a UVigo o 11/2/25
MyNews
Hemeroteca dixital que recolle prensa de información xeral, económica, deportiva etc., fundamentalmente do ámbito español.
- Cobertura: prensa escrita española dende 1996, medios dixitais dende 2009, revistas dende 2013 e con acceso a algúns medios dixitais internacionais (The Guardian, Libération…). Presenta o texto completo da noticia e no caso dalgúns medios o PDF orixinal.
- Hai un límite de visualización de resultados (600 máximo) e de descargas mensuais do texto completo. Polo tanto, antes de acceder ao texto completo cómpre asegurarse que interesa e que non se pode consultar doutro xeito (na edición en papel ou en liña, como por exemplo "El País"). Cando se supera o límite mensual, MyNews queda bloqueado para toda a comunidade universitaria.
SABI
Base de datos económico-financeira que recolle máis de 1.000.000 de empresas españolas, das que proporciona información xeral e as contas anuais.
- Recolle un histórico de 25 anos nos datos económicos e financeiros, e permite realizar análises estatísticas e/ou comparativas de empresas ou grupos de empresas.
- Existe un límite de descargas semanais para toda a Universidade polo que se recomenda exportar só os datos necesarios.
- O seu uso é exclusivo para o ensino e investigación nas Universidades galegas.
- Nota sobre o acceso: para poder consultar este recurso cómpre identificarse como membro da comunidade universitaria mediante SIR.

Ardan...: empresas de Galicia
Directorio e informe económico financieiro de empresas galegas.

Podes obter máis información sobre as bases de datos as que tes acceso consultando o A-Z de recursos