Bibliometría

Altmetric.com é unha ferramenta dixital que recompila e analiza datos sobre o impacto social e mediático das publicacións científicas

• Altmetric Attention Score (AAS): é un valor numérico que resume a atención que recibe unha publicación en medios sociais, blogs, noticias e outras fontes. Cada fonte ten un peso distinto segundo a súa influencia.

• Demografía en X: identifica o perfil das contas que mencionan un artigo e amosa a súa distribución xeográfica, o que permite ver en que países xerou máis conversa a publicación.

• Lectores en Mendeley: estes datos amosan o interese académico inicial, antes mesmo de que haxa citas formais, e tamén permiten ver a disciplina e o nivel académico dos lectores (estudantes, investigadores, docentes...).

• Datos en contexto: amosa datos que comparan o Altmetric Score do artigo con outros publicados na mesma revista, no mesmo período ou na mesma revista e período.

• Indicadores desagregados por fonte: X, Facebook, Reddit, Blogs, Noticias, Wikipedia, Youtube, Patentes, etc

PlumX é unha ferramenta desenvolvida por Plum Analytics, actualmente parte de Elsevier, que proporciona métricas alternativas para avaliar o impacto da produción científica máis aló das citas tradicionais. 

• Citas: Inclúe citas formais a través de fontes académicas e tamén, en parte, citas en patentes.

• Uso: Indica cantas veces foi consultada unha publicación.

• Capturas: reflicte interese ou intención de ler, gardar ou compartir a publicación para un uso futuro.

• Mencións: mide discusións e referencias á publicación en medios non-académicos.

• Social Media: Indica difusión e interacción en redes sociais, útil para detectar atención pública ou viralidade.