Bibliometría

ResearchGate é unha rede social académica e unha plataforma en liña deseñada para facilitar a comunicación e a colaboración entre persoas investigadoras, científicas e persoal académico de todo o mundo. 

• Lecturas (Reads): número de veces que as publicacións foron vistas ou descargadas.

• Citas (Citations): citas detectadas automaticamente en publicacións conectadas ao perfil.

• Recomendacións (Recommendations): número de veces que outras persoas rexistradas en Researchgate recomendaron un traballo.

• Seguidores (Followers): número de persoas rexistradas que seguen a unha persoa investigadora.

• Research Interest Score: reflicte o nivel de interese que xera unha investigación na comunidade científica de Researchgate. 

Academia.edu é unha plataforma en liña orientada á difusión de traballos académicos.

• Visualizacións de documentos (Document Views): número de veces que se accedeu a unha publicación.

• PaperRank: índice que mide o impacto relativo dun documento dentro de Academia.edu

• AuthorRank: métrica composta que avalía a influencia global dunha persoa rexistrada en Academia.edu

• Seguidores (Followers): número de persoas rexistradas en Academia que seguen o perfil da persoa investigadora.

• Citas (se se conecta con Google Scholar): número de veces que un perfil ou os documentos dun autor ou autora foron mencionados por outras persoas na plataforma.

• Visitas totais (Public views): número acumulado de visualización que recibiron os documentos ou o perfil dun autor/a.

• Percentil de visitas (Top): indica a posición relativa dunha persoa respecto doutras segundo o número de visitas.

Mendeley é unha plataforma de xestión de referencias bibliográficas e unha rede social académica que lles permite a investigadores e investigadoras organizar, compartir e descubrir os resultados das súas investigacións

• Citas: número de veces que un documento foi citado noutras publicacións científicas.

• Lectores (Readers): número de persoas rexistradas en Mendeley que gardaron unha publicación nas súas bibliotecas persoais.

• Estatísticas por disciplina: distribución das persoas lectoras por área de coñecemento.

• Estatísticas por nivel académico: perfil demográfico das persoas lectoras (estudantado, persoal investigador, profesorado…).