Scimago Journal & Country Rank (SJR) ofrece indicadores para revistas e países:
-
SJR (SCImago Journal Rank): é o indicador principal que mide a influencia dunha revista. Ten en conta non só o número de citas que recibe, senón tamén a importancia das fontes que as emiten, asignando máis valor ás citas procedentes de revistas con maior prestixio. É unha medida ponderada que reflicte a calidade das citas.
-
Índice h da revista: indica a produtividade e impacto da revista baseada no número de artigos que teñen un determinado número de citas. É unha métrica similar ao índice h usado para autores, pero aplicada a revistas.
-
Número total de citas: mostra o total de citas recibidas polos artigos publicados na revista durante un período determinado.
-
Número total de documentos: cantidade de documentos (artigos, revisións, etc.) publicados pola revista nun intervalo de tempo.
-
Citas por documento: media de citas recibidas por artigo, calculada dividindo o total de citas polo número de documentos.
-
Cuartís: SCImago clasifica as revistas en cuartís (Q1, Q2, Q3, Q4) segundo o seu SJR dentro da súa área temática, sendo Q1 as revistas de maior impacto e Q4 as de menor.
-
Área temática e categoría: permite saber en que campo ou categoría está clasificada a revista, o que axuda a contextualizar o impacto dentro dunha disciplina concreta.
-
% Female authors: Porcentaxe de autoras identificadas como mulleres entre os autores que publican na revista.
-
Documents cited by public policy (Overton); Número de documentos da revista que foron citados en políticas públicas, informes gobernamentais ou normativas, segundo datos da base Overton.
-
Documents related to SDGs (UN): Número de artigos vinculados cos Obxectivos de Desenvolvemento Sostible (ODS) das Nacións Unidas.
