Como localizar teses de doutoramento

Para  localizar as teses de doutoramento da Universidade de Vigo podes empregar dúas fontes propias: Investigo e Perseo.

Investigo é o repositorio institucional da Universidade de Vigo que recolle, difunde e preserva a produción científica do seu persoal investigador, e polo tanto recolle tamén:

• as teses de doutoramento lidas na Universidade de Vigo a partir de xaneiro de 2017 e que están depositadas baixo unha licenza Creative Commons By-Nc-Nd.

• teses anteriores ao 2017, depositadas no Arquivo Universitario en formato cd-rom, cuxo/a autor/a asinou a autorización de depósito e difusión en Investigo.

Para saber como buscar en Investigo, podes consultar a Axuda de investigo, no apartado "Buscar e Atopar".

No buscador Perseo podes localizar as teses da Universidade de Vigo anteriores a 2017.  

Para atopalas, emprega a opción da busca avanzada e segue estas indicacións:

1. Introduce os termos de busca correspondentes (autor/a, título, tema etc.).
2. Engade un campo de busca no que selecciones a opción "Tema" "contén": Universidade de Vigo.
3. Limita por "Tipo de material": "Teses de doutoramento".

O procedemento de consulta e préstamo das teses aparece indicado no apartado das localizacións do seu rexistro:

• Haberá exemplares que poderás levar en préstamo e outras terás que consultalas nas salas das bibliotecas correspondentes.
• As teses inéditas (non publicadas), que están depositadas e custodiadas no Arquivo Universitario, están excluídas do préstamo e para a súa consulta en sala precisas encher un formulario de compromiso de non reprodución e de cita da fonte.