BIBLIOGUÍAS
As bases de datos bibliográficas son potentes ferramentas para a investigación, xa que describen publicacións científicas como artigos de revistas, libros, actas de congresos etc., e proporcionan información científica contrastada, relevante e actualizada. Ademais, facilitan a localización de información precisa e exhaustiva ao proporcionar eficaces ferramentas de busca.
A biblioteca selecciona e subscribe bases de datos de interese para o teu ámbito de estudo, tanto de carácter multidisciplinar como especializadas.
Algunhas bases de datos permiten acceder directamente ao texto completo das publicacións; cando non é así, podes comprobar se a Biblioteca Universitaria ofrece acceso ao texto completo premendo no botón 
Imaxe: Rexistro bibliográfico co botón de Perseo na base de datos Web of Science
As bases de datos multidisciplinares son aquelas que abranguen varias disciplinas científicas, entre as máis importantes están:
Recompila literatura científica hispana: artigos de revistas, teses, libros, reseñas bibliográficas e actas de congresos. Céntrase principalmente nos ámbitos das ciencias humanas, xurídicas e sociais.
Indexa diversos tipos de documentos (artigos, capítulos, actas de congresos, patentes etc.) de todas as disciplinas científicas, cunha cobertura xeográfica moi ampla. Ademais, proporciona métricas derivadas das citas dos documentos polo que se emprega tamén na avaliación da produción científica.
Plataforma que da acceso a varias bases de datos bibliográficas multidisciplinares e outros produtos de Clarivate (JCR, Incites etc.).
As bases de datos especializadas recollen publicacións sobre unha área cientifica determinada. Estas son as máis destacadas para o ámbito da tradución e interpretación.
Acceso libre e gratuíto a bibliografía dos ámbitos da tradución e interpretación. Recompila artigos, capítulos, libros, teses etc.
Colección de obras a texto completo de poesía, prosa e drama de escritores británicos e norteamericanos. Inclúe tamén crítica literaria, obras de referencia, biografías, revistas, filmacións de poetas contemporáneos lendo os seus propios traballos e audiogravacións de obras non contemporáneas.
Plataforma que combina as bases de datos Linguistics and Language Behaviour Abstracts (LLBA) e Linguistics Database, permitindo a consulta de literatura do ámbito da Lingüística.
Podes obter máis información sobre as bases de datos aás que tes acceso consultando a listaxe de Recursos electrónicos A-Z.
