A consulta dos recursos subscritos pola biblioteca da Universidade de Vigo só está permitida ás persoas que forman parte da comunidade universitaria. Cando realizas a consulta desde un ordenador conectado á rede da universidade, o acceso, na maioría dos casos, é directo, non require ningunha identificación.
Se queres consultar os recursos electrónicos subscritos e non estás fisicamente na Universidade de Vigo, tes que identificarte como membro da comunidade universitaria, usando algún destes sistemas:
- EZProxy: é o empregado para acceder á maioría dos recursos; require utilizar o sistema de identificación habitual na universidade.
- Proxy: os datos van a través do proxy da Universidade de Vigo,o que permite acceder aos mesmos contidos que se estiveses no campus.
- Contrasinal: algúns recursos requiren coñecer un contrasinal de acceso específico, mesmo cando accedes desde a rede da Universidade de Vigo.
- SIR: servizo de identidade da RedIRIS que se emprega para acceder só a algúns dos recursos.
Nesta guía explicamos os pasos xerais para empregar cada un deles.
