Biblioguías: Dereito: Bases de datos

Bases de datos bibliográficas

As bases de datos son potentes ferramentas para a investigación; empréganse para obter información académica sobre un tema. A biblioteca selecciona e subscribe bases de datos de interese para o teu ámbito de estudo, tanto de carácter multidisciplinar como especializadas.

Algunhas bases de datos permiten acceder directamente ao texto completo das publicacións; cando non é así, podes comprobar se a Biblioteca Universitaria ofrece acceso ao texto completo premendo no botón Botón Buscador Perseo

Imaxe: Rexistro bibliográfico co botón de Perseo na base de datos Web of Science

Bases de datos multidisciplinares

Dialnet Plus
Recompila literatura científica hispana: artigos de revistas, teses, libros, reseñas bibliográficas e actas de congresos. Céntrase principalmente nos ámbitos das ciencias humanas, xurídicas e sociais.
- Nota sobre o acceso: para poder consultar este recurso dende fóra da Universidade de Vigo cómpre configurar o proxy no seu navegador seguindo estas instrucións ou ben rexistrarse utilizando un enderezo de correo electrónico da Universidade de Vigo.
- Outras guías e titoriais: Videotitorial
Scopus
Indexa diversos tipos de documentos (artigos, capítulos, actas de congresos, patentes etc.) de todas as disciplinas científicas, cunha cobertura xeográfica moi ampla. Ademais, proporciona métricas derivadas das citas dos documentos polo que se emprega tamén na avaliación da produción científica.

Outras guías e titoriais: videotitorial
Web of Science
Plataforma que da acceso a varias bases de datos bibliográficas multidisciplinares e outros produtos de Clarivate (JCR, Incites etc.).
- A colección principal da Web of Science ou “Core Collection” inclúe: Science Citation Index Expanded (1900-), Social Sciences Citation Index (1956-), Arts & Humanities Citation Index (1975-), Conference Proceedings (1990-), Emerging Sources Citation Index (2019-), Book Citation Index (2005-), Current Chemical Reactions (1985-) e Index Chemicus (1993-).
- Outras guías e titoriais: Training resources Web of Science .
- Subscrita pola Biblioteca da Universidade de Vigo coa colaboración da Fundación Española para la Ciencia y la Tecnología, Ministerio de Ciencia, Innovación y Universidades.

Bases de datos especializadas

Aranzadi Instituciones
Portal da editorial Aranzadi que contén todo tipo de documentación xurídica: lexislación, xurisprudencia, documentación administrativa, convenios colectivos, formularios etc.
No caso da lexislación estatal proporciona o texto completo de todas as disposicións de carácter xeral publicadas no BOE dende 1978 e as máis relevantes dende 1930 (algunhas coa versión consolidada). Ademais, toda a lexislación autonómica desde os inicios.
Na xurisprudencia recolle todas as sentenzas do Tribunal Constitucional e do Tribunal Supremo dende 1979 e dende 2001 da Audiencia Nacional, Tribunais Superiores de Xustiza e Audiencias Provinciais, e unha selección dos anos anteriores e dos Tribunais de Primeira Instancia. Tamén recolle a xurisprudencia actual do Tribunal Europeo de Dereitos Humanos e do Tribunal de Xustiza das Comunidades Europeas.
Notas:
- Pechar correctamente a sesión premendo no botón "Salir" situado na parte superior dereita da pantalla.
- Cando se supera o número de licenzas contratadas non permite acceder á base de datos.
Tirant Prime
Portal da editorial Tirant que interrelaciona e busca todo tipo de información xurídica: lexislación, xurisprudencia, convenios colectivos, formularios, doutrina etc.
La Ley Digital
Base de datos que inclúe e interrelaciona todo tipo de información xurídica: xurisprudencia, lexislación, órganos administrativos, doutrina, convenios, formularios etc.
- Contén:
  - Lexislación internacional, europea, estatal e autonómica.
  - Xurisprudenza do Supremo, Constitucional, Audiencia Nacional e Tribunais europeos.
  - Doutrina do Tribunal Supremo e sentenzas do Tribunal Supremo que modifican doutrina.
  - Normas e convenios colectivos de traballo dende 1990.
  - Formularios e guías xurídicas.
  - Acceso ao texto completo dos Códigos La Ley, ao Diario La Ley e ás principais publicacións de Wolters Kluwer subscritas pola biblioteca.
- Solicite o contrasinal de acceso na biblioteca. Se o solicita por correo electrónico, identifíquese co seu nome, apelidos e dni.
  Lembre desconectarse antes de pechar a sesión para non bloquear o acceso.
CISS Fiscal
Recurso especializado en materia fiscal e tributaria con distinta información interrelacionada: lexislación, xurisprudencia, doutrina administrativa, casos prácticos, formularios etc.
- Solicite o contrasinal de acceso na biblioteca. Se o solicita por correo electrónico, identifíquese co seu nome, apelidos e dni.
  Lembre desconectarse antes de pechar a sesión para non bloquear o acceso.
- Outras guías e titoriais: “Encontrar normas básicas”, “Cómo sacar partido al buscador”, “Afinar y filtrar resultados” . Ademais, pódense atopar máis guías de uso e videotitoriais no apartado Formación, unha vez que se accede ao recurso.
CISS Laboral
Información especializada (lexislación, xurisprudencia, doutrina administrativa, casos prácticos, formularios etc.) en materia laboral, seguridade social e prevención de riscos laborais.
- Solicite o contrasinal de acceso na biblioteca. Se o solicita por correo electrónico, identifíquese co seu nome, apelidos e dni.
  Lembre desconectarse antes de pechar a sesión para non bloquear o acceso.
- Outras guías e titoriais: “Cómo sacar partido al buscador”, “Afinar y filtrar resultados”, "Significado de los iconos" . Ademais, pódense atopar máis guías de uso e videotitoriais no apartado Formación, unha vez que se accede ao recurso.
QMemento
Base de datos xurídica que da acceso aos Mementos (fiscal, fiscal foral, contable e auditoría de contas) da editorial Francis Lefebvre.
- Interrelaciona os mementos subscritos coa lexislación, convenios, xurisprudencia, doutrina administrativa, comentarios e formularios. Inclúe os boletíns semanais Actum (contable e fiscal).
- Nota sobre o acceso: para poder consultar este recurso dende fóra da Universidade de Vigo cómpre configurar o proxy no seu navegador seguindo estas instrucións.
- Outras guías e titoriais: Guía básica.
La Página del Medio Ambiente
Base de datos xurídica sobre medio ambiente e prevención de riscos laborais que inclúe lexislación vixente, xurisprudencia etc. Recolle tamén o Código ambiental coa lexislación básica en medio ambiente.

Solicite o contrasinal de acceso na biblioteca. Se o solicita por correo electrónico, identifíquese co seu nome, apelidos e dni.
Lembre desconectarse antes de pechar a sesión para non bloquear o acceso.
HeinOnline
Portal especializado en dereito anglosaxón, que ofrece acceso ao texto completo dunha gran cantidade de revistas xurídicas, textos lexislativos, obras clásicas etc.
Autocontrol
Códigos e normas de autorregulación de Autocontrol e doutros organismos de autorregulación españois e estranxeiros.

Solicite o contrasinal de acceso na biblioteca. Se o solicita por correo electrónico, identifíquese co seu nome, apelidos e dni.
Lembre desconectarse antes de pechar a sesión para non bloquear o acceso.

Recursos electrónicos A-Z

Podes obter máis información sobre as bases de datos ás que tes acceso consultando o A-Z de recursos