Biblioguías: Relacións internacionais: Bases de datos

Bases de datos bibliográficas

As bases de datos bibliográficas son potentes ferramentas para a investigación, xa que describen publicacións científicas como artigos de revistas, libros, actas de congresos etc., e proporcionan información científica contrastada, relevante e actualizada. Ademais, facilitan a localización de información precisa e exhaustiva ao proporcionar eficaces ferramentas de busca
A biblioteca selecciona e subscribe bases de datos de interese para o teu ámbito de estudo, tanto de carácter multidisciplinar como especializadas.

Algunhas bases de datos permiten acceder directamente ao texto completo das publicacións, cando non é así, podes comprobar se a Biblioteca Universitaria ofrece acceso ao texto completo premendo no botón Botón Buscador Perseo

Imaxe: Rexistro bibliográfico co botón de Perseo na base de datos Web of Science

Bases multidisciplinares

As bases de datos multidisciplinares son aquelas que abranguen varias disciplinas científicas, entre as máis importantes están:

Dialnet Plus
Recompila literatura científica hispana: artigos de revistas, teses, libros, reseñas bibliográficas e actas de congresos. Céntrase principalmente nos ámbitos das ciencias humanas, xurídicas e sociais.
- Nota sobre o acceso: para poder consultar este recurso dende fóra da Universidade de Vigo cómpre configurar o proxy no seu navegador seguindo estas instrucións ou ben rexistrarse utilizando un enderezo de correo electrónico da Universidade de Vigo.
- Outras guías e titoriais: Videotitorial
Scopus
Indexa diversos tipos de documentos (artigos, capítulos, actas de congresos, patentes etc.) de todas as disciplinas científicas, cunha cobertura xeográfica moi ampla. Ademais, proporciona métricas derivadas das citas dos documentos polo que se emprega tamén na avaliación da produción científica.

Outras guías e titoriais: videotitorial
Web of Science
Plataforma que da acceso a varias bases de datos bibliográficas multidisciplinares e outros produtos de Clarivate (JCR, Incites etc.).
- A colección principal da Web of Science ou “Core Collection” inclúe: Science Citation Index Expanded (1900-), Social Sciences Citation Index (1956-), Arts & Humanities Citation Index (1975-), Conference Proceedings (1990-), Emerging Sources Citation Index (2019-), Book Citation Index (2005-), Current Chemical Reactions (1985-) e Index Chemicus (1993-).
- Outras guías e titoriais: Training resources Web of Science .
- Subscrita pola Biblioteca da Universidade de Vigo coa colaboración da Fundación Española para la Ciencia y la Tecnología, Ministerio de Ciencia, Innovación y Universidades.

Bases especializadas

As bases de datos especializadas recollen publicacións sobre unha área cientifica determinada, e a miúdo dispoñen dun tesauro.

Aranzadi Instituciones
Portal da editorial Aranzadi que contén todo tipo de documentación xurídica: lexislación, xurisprudencia, documentación administrativa, convenios colectivos, formularios etc.
No caso da lexislación estatal proporciona o texto completo de todas as disposicións de carácter xeral publicadas no BOE dende 1978 e as máis relevantes dende 1930 (algunhas coa versión consolidada). Ademais, toda a lexislación autonómica desde os inicios.
Na xurisprudencia recolle todas as sentenzas do Tribunal Constitucional e do Tribunal Supremo dende 1979 e dende 2001 da Audiencia Nacional, Tribunais Superiores de Xustiza e Audiencias Provinciais, e unha selección dos anos anteriores e dos Tribunais de Primeira Instancia. Tamén recolle a xurisprudencia actual do Tribunal Europeo de Dereitos Humanos e do Tribunal de Xustiza das Comunidades Europeas.
Notas:
- Pechar correctamente a sesión premendo no botón "Salir" situado na parte superior dereita da pantalla.
- Cando se supera o número de licenzas contratadas non permite acceder á base de datos.
Business Source Premier
Base de datos a texto completo sobre xestión, economía, finanzas, contabilidade e negocios.
- Inclúe tamén outras fontes de información a texto completo como informes económicos nacionais de EIU, Global Insight, ICON Group, CountryWatch e perfís detallados das 10.000 empresas máis grandes do mundo.
- Outras guías e titoriais:
  - Busca avanzada en Business Source Premier
  - Vídeo da sesión formativa para a UVigo o 11/2/25
La Ley Digital
Base de datos que inclúe e interrelaciona todo tipo de información xurídica: xurisprudencia, lexislación, órganos administrativos, doutrina, convenios, formularios etc.
- Contén:
  - Lexislación internacional, europea, estatal e autonómica.
  - Xurisprudenza do Supremo, Constitucional, Audiencia Nacional e Tribunais europeos.
  - Doutrina do Tribunal Supremo e sentenzas do Tribunal Supremo que modifican doutrina.
  - Normas e convenios colectivos de traballo dende 1990.
  - Formularios e guías xurídicas.
  - Acceso ao texto completo dos Códigos La Ley, ao Diario La Ley e ás principais publicacións de Wolters Kluwer subscritas pola biblioteca.
- Solicite o contrasinal de acceso na biblioteca. Se o solicita por correo electrónico, identifíquese co seu nome, apelidos e dni.
  Lembre desconectarse antes de pechar a sesión para non bloquear o acceso.
Tirant Prime
Portal da editorial Tirant que interrelaciona e busca todo tipo de información xurídica: lexislación, xurisprudencia, convenios colectivos, formularios, doutrina etc.