BIBLIOGUÍAS
Podes facer unha busca directamente nos mementos; para iso, preme na pestana Mementos:
No espazo do centro da pantalla aparecen os mementos aos que está subscrita a biblioteca. O contido deste espazo central irá cambiando en función da busca que esteas a executar.
Podes lanzar unha busca en todos os mementos subscritos. Para iso, utiliza a ventá da esquerda (Buscar en Mementos). Aquí, o mesmo que na busca universal, podes utilizar os operadores lóxicos.
Podes abrir un memento, e accedes ao seu texto completo, na versión actualizada.
Deste xeito abres o texto completo do memento, e podes optar por lelo de xeito continuo, buscar no seu contido, navegar polo sumario e buscar nas voces:
1. Localizar: busca palabras na unidade de carga (texto que se visualiza na caixa central)
2. Navega polo sumario ou preme na Tabla alfabética, para facer unha busca por voces
3. Na caixa central, vaise cargando o contido do memento a medida que te desprazas coa axuda da barra lateral.
