BIBLIOGUÍAS
" Mis referencias" (1) é a parte do xestor onde podemos organizar e administrar as referencias bibliográficas que imos recompilando.
Na área central visualízanse as referencias, que podemos ordenar por distintos criterios (2), como a orde alfabética ou a data de importación.
Para agrupar referencias nun cartafol, simplemente seleccionámolas e utilizamos a opción "Agregar al grupo" (3). Os cartafoles creados visualízanse no panel esquerdo (4), mostrando a cantidade de documentos que conteñen e, se están compartidas, identifícanse cunha icona de silueta. Se as referencias non as asignamos a un grupo, aparecerán en “Sin archivar”.
Tamén temos a opción de realizar unha lista rápida seleccionando unha serie de referencias e premendo o botón “Copiar a unha lista rápida”.
