Obxectivos de Desenvolvemento Sostible

O acceso aos datos relativos aos Obxectivos de Desenvolvemento Sustentable (ODS) en Web of Science (WoS) non é completamente directo a través da interface estándar, se ben existen diferentes procedementos para a súa consulta. Web of Science está a incorporar de maneira progresiva unha funcionalidade específica que posibilita o filtrado e a recuperación de artigos en función dos ODS. Debe terse en conta que a dispoñibilidade desta información limítase estritamente aos rexistros incluídos na Core Collection.

Estes son os pasos para localizar un conxunto de documentos sobre un ODS en particular:

• Accede a Web of Science
• Selecciona "Búsqueda avanzada"

• Na barra de busca principal realiza unha busca polo tema de interese, por un autor/a etc.:

• Na páxina de resultados, nos filtros que aparecen na columna da esquerda, busca a sección chamada "Objetivos de Desarrollo Sostenible" ou "Sustainable Development Goals" (segundo o idioma da interface).

• Dentro desta sección, mostraranse os ODS relacionados coa busca, xunto co número de documentos asociados a cada obxectivo. Para limitar a busca a un o varios ODS debemos marcar a casilla e premer en “Refinar”.

Para saber se un artigo específico da Web of Science (WoS) está vinculado con algún Obxectivo de Desenvolvemento Sostible (ODS). 

• Accede a Web of Science

• Selecciona "Búsqueda avanzada":

• Busca o artigo polo seu título, DOI etc:

• Na columna esquerda de filtros localiza e desprega a opción "Objetivos de Desarrollo Sostenible". Aí aparece a que ODS está vinculada a publicación.

En todos os artigos da Core Collection clasificados dentro dalgún dos obxectivos de desenvolvemento sostible aparece esta clasificación no rexistro completo do artigo, no apartado Categorías/Clasificación: