Os estilos de citas son un conxunto de normas que indican a forma de realizar as citas e as referencias, coa finalidade de que sexa máis doado identificar e localizar a información utilizada, permitindo entendelas internacionalmente.
As diferenzas entre os distintos estilos consisten, principalmente, en:
- Os datos que se deben incluír segundo o tipo de documento (artigo de revista, libro, capítulo de libro, tese, páxina web etc.).
- O uso de maiúsculas ou minúsculas á hora de escribir o nome do autor/a.
- A orde na que van os elementos, como por exemplo a posición do ano de publicación.
- O formato tipográfico en que deben transcribirse os distintos elementos (cursiva, entre comiñas etc.).
Este é un exemplo da referencia bibliográfica dun artigo de revista, de forma distinta segundo o estilo:
Estilo APA:
Rodriguez Castilla, L. (2009). Le resulta difícil hacer la bibliografía: Los gestores de referencias bibliográficas pueden ayudarlo. Acimed, 19(2)
Estilo Vancouver:
(1) Rodriguez Castilla, L. Le resulta difícil hacer la bibliografía: Los gestores de referencias bibliográficas pueden ayudarlo. ACIMED 2009 Feb 1; 19(2).
