Cando creas un perfil, as primeiras publicacións que aparecen nel son as que seleccionas de entre as que Google Académico che suxire.
Unha vez creado o perfil, tes outras opcións para engadir publicacións. Preme no símbolo "+" e no menú desplegable, selecciona a opción que corresponda (engadir grupos de artigos, de forma individual, manualmente, etc):
- Engadir grupos de artigos: realizando unha busca por nome, temática, palabra clave etc, aparecen grupos de artigos. Podes engadir todas as publicacións dun grupo ou acceder a un grupo e seleccionar as que queiras engadir.
- Engadir artigos: realiza unha busca de publicacións individualmente e selecciona as que queiras engadir.
- Podes engadir publicacións manualmente, mesmo as que non están indexadas en Google Académico.
- Configurar as actualizacións de artigos:
- Se na configuración escolles a opción “Aplicar actualizacións automaticamente”, Google Académico engadirá de xeito automático aquelas publicacións nas que coincida o nome dun dos autores/as co nome do teu perfil. Isto pode facer que se incorporen publicacións incorrectamente, polo que debes revisar o perfil para eliminar aquelas que non son túas.
- Se na configuración escolles a opción “Envíame actualizacións por correo electrónico para que as revise”, Google Académico só engadirá aquelas publicacións que ti confirmes desde o correo electrónico que recibes.
- Podes eliminar publicacións. Para que se amosen os botóns "Combinar, eliminar e exportar" debes seleccionar antes as publicacións.
- Podes editar a información de cada publicación. Preme sobre o título e, a continuación, abrirase unha pantalla onde podes "Editar" (modificar o título, autores/as, data de publicación etc.) ou "Eliminar".
