Moitas axencias de financiamento e institucións teñen mandatos e políticas sobre a publicación en acceso aberto dos datos de investigación. Polo xeral é obrigatorio facer públicos os datos das investigacións financiadas con fondos públicos.
Horizonte Europa, o programa de investigación e innovación da Comisión Europea para o período 2021-2027, pon énfase no acceso aberto aos datos de conformidade co principio "tan aberto como sexa posible e tan pechado como sexa necesario".
O cumprimento destes mandatos e políticas adóitase realizar cumprindo os principios FAIR, depositando os datos nun repositorio de confianza e proporcionando acceso aberto aos mesmos. Non obstante, pode haber casos nos que teñan restricións de acceso. Á hora de difundir os datos de investigación haberá que ter en conta o marco legal que os afecta: propiedade intelectual, confidencialidade, privacidade e protección de datos de carácter persoal.
