Datos de investigación

Os datos poden publicarse ou depositarse nun repositorio xunto a documentación necesaria para facilitar a súa reutilización.
Existen múltiples repositorios de datos, "OpenAIRE Research Data Management Briefing paper" recomenda en primeiro lugar escoller repositorios específicos da disciplina, xa que teñen os coñecementos e a experiencia na xestión de datos no seu contexto.  

Imaxe: "OpenAIRE Research Data Management Briefing paper"

Estas son outras consideracións a ter en conta á hora de seleccionar un repositorio de datos:

• Que cumpra os principios FAIR.
• Se cobra por depositar os datos.
• Se asigna un identificador persistente aos nosos datos.
• Límites de espazo para cada conxunto de datos.
• Permita almacenar datos abertos, con embargo, restrinxidos ou pechados, especialmente se se traballa con datos sensibles.
• Se ten algún tipo de certificación que o recoñeza como un repositorio fiable (por exemplo, Core Trust Seal).

Science Europe publicou a "Practical Guide to the International Alignment of Research Data", onde se recollen unha serie de criterios para seleccionar repositorios de datos fiables.

Aceptan o depósito de datos de calquera área temática, entre eles están:

• Zenodo: desenvolvido baixo o programa europeo OpenAIRE, acolle toda clase de materiais documentais e de produtos resultantes de proxectos de investigación e de actividades académicas. Deixa crear comunidades para depositar documentos dos membros dunha institución concreta.

• Figshare: repositorio de xestión privada, gratuíto para o usuario. Atribúe DOIs e permite cargar todo tipo de resultados de investigación en calquera formato cun tamaño límite de 20 GB, establecer embargos, engadir licenzas, enlazar con proxectos financiados etc. 

• Dryad: facilita dar acceso libre e aberto a datos de investigación que cumpran cos criterios FAIR, pero cobran polos custos de conservación e preservación. Ademais, Dryad publica datos exclusivamente baixo licenza Creative Commons de dominio público (CC0) e non admite a publicación de datos sensibles cuxo acceso deba restrinxirse.  

• Harvard Dataverse Repository: gratuíto e aberto a todos os investigadores, tanto dentro como fóra da comunidade de Harvard, onde poden compartir, arquivar, citar, acceder e explorar datos de investigación.
  Os datos poden publicarse en aberto ou baixo restricións de acceso e termos de uso personalizables. Tamén outorga automaticamente DOIs e permite que os metadatos se poidan atopar, mesmo se os datos en si son de acceso restrinxido ou pechado.

No documento "Generalist Repository Comparison Chart" faise unha comparativa dos principais repositorios multidisciplinares ou xeneralistas.

• DataMeD: ámbito biomédico
• DataONE:  medio ambiente
• PANGAEA: datos xeorreferenciados da investigación do sistema terrestre
• HEPDat: física experimental de partículas
• NOMAD:  ciencia dos materiais 

Ademais dos repositorios enumerados anteriormente, é posible localizar outros a través de directorios e buscadores de repositorios de datos como:

• Re3data
• Repository Finder (DataCite Commons)
• FAIRsharing.org