Perseo, o buscador da biblioteca

Perseo é unha ferramenta que permite buscar en todos os recursos da biblioteca da Universidade de Vigo mediante unha busca simple ou avanzada. 

A busca simple realízase escribindo un ou máis termos sobre os que queres atopar información no cadro principal: palabras do título, autor ou palabras clave. Se queres buscar termos compostos, escríbeos entre comiñas.
Selecciona onde queres realizar a busca (todos, catálogo, recursos electrónicos ou reservas de cursos) e fai clic na lupa:

• Todo: busca en todo o fondo do catálogo, no repositorio Investigo e nas bases de datos e sistemas de información subscritos pola biblioteca.
• Catálogo: documentos físicos e electrónicos do catálogo da Biblioteca Universitaria de Vigo.
• Recursos electrónicos: recupera só documentos en formato electrónico tanto do catálogo, coma dos recursos electrónicos subscritos pola biblioteca, do Índice Central e do repositorio institucional Investigo.
• Bibliografía recomendada: limita a busca aos documentos recollidos nas guías docentes das diferentes materias impartidas na Universidade de Vigo.

A busca avanzada permite seleccionar campos de busca e combinalos: título e autor, título e tema etc. Tamén permite definir filtros antes de iniciar a busca: tipo de material, data e idioma.