Perseo, o buscador da biblioteca

Desde a páxina de resultados podes gardar un ou máis rexistros para poder recuperalos posteriormente. Se non iniciaches sesión, os rexistros gardaranse só mentres mentres realizas a consulta:

• Ao facer clic na icona da chincheta que aparece á dereita de cada un dos resultados, este engádese a “Os meus favoritos” (1). 
• Tamén é posible agregar resultados clicando na caixa á esquerda de cada título, e logo na icona da chincheta na parte superior dereita (2).
• Cómpre iniciar sesión para manter os rexistros gardados en futuras sesións (3).
• Os  rexistros xa gardados destácanse na páxina de resultados cun fondo diferenciado, e podes quitarlles a selección premendo na chincheta riscada (4).

Os rexistros gardados quedan no apartado correspondente de "Os meus favoritos". Se non iniciaches sesión, os rexistros gardaranse só mentres realizas a consulta.
En “Rexistros gardados” aparecen varias opcións: 

• Cita, enviar por correo etc. (1).
• Ordenar os resultados (2)
• Editar etiquetas (3)
• Eliminar rexistros (4)

Para volver á páxina de resultados preme na lupa do menú superior. 

Se te identificaches en Perseo, podes gardar unha busca premendo en “Gardar busca”, que aparece enriba da listaxe de resultados. 
Ao premer, aparece na parte superior a mensaxe “Gardouse esta busca nos seus favoritos” e dúas posibilidades: “Activar notificación para esta consulta” (no caso de querer establecer unha alerta) ou “Rexeitar”.

As buscas gardadas almacénanse en “Os meus favoritos” no apartado “Buscas gardadas”. 

Podes executar de novo unha busca gardada para ver os resultados facendo clic no seu nome. 
Dende aquí tamén podes:

• Subscribir un RSS (1).
• Crear unha alerta para que se execute automaticamente e envíe os resultados por correo electrónico (2). A frecuencia das notificacións é semanal, sempre e cando se incorporen novos resultados que coincidan coa consulta.
• Eliminar unha busca gardada (3)