Refworks

En Refworks as referencias organízanse e almacénanse mediante un sistema de carpetas e subcarpetas.
Cando creas a túa conta aparecen os seguintes apartados no menú da esquerda da interface: 

• "Último importado”: onde se gardan por data e hora as referencias importadas nos últimos 30 días.
• “Mis carpetas”: apartado onde podes crear as túas carpetas e subcarpetas. Inclúe unha carpeta do sistema "No está en la carpeta" na que se almacenan as referencias que non se asignaron a ningunha carpeta. 
• “Papelera”: onde se gardan as referencias eliminadas nos últimos 30 días. 

Para crear unha carpeta selecciona "+ Agregar carpeta" e dalle un nome. Para crear subcarpetas selecciona unha carpeta concreta e fai clic sobre os tres puntos da parte dereita: ábrese un menú que permite, entre outras opcións, engadir unha subcarpeta.

Se necesitas mover as referencias entre carpetas, podes:

a) Seleccionar un conxunto de referencias dunha carpeta determinada e despois premendo en "Asignar " na barra de ferramentas escolles a carpeta a onde queres movelas.

b) Seleccionar unha referencia concreta e arrastrala co rato cara ao cartafol desexado.