Refworks

Podes crear unha bibliografía simple ou "citas rápidas" directamente dende Refworks, indo á opción de "Crear bibliografía".
Esta opción é útil soamente no caso de traballos de pouca extensión ou cun número reducido de citas. Ten a vantaxe de que o podes empregar en calquera procesador de textos e non tes que instalar ningún complemento.

Dende Refworks podes xerar unha listaxe ou bibliografía simple:

• Selecciona unha carpeta ou determinadas referencias dunha carpeta.
• Unha vez realizada a selección preme en "Crear bibliografía" e de novo en "Crear bibliografía".

• Selecciona o estilo bibliográfico. Podes visualizar os estilos máis recentes, pero tamén buscar outros. Elixe o que necesites.

• Por último copia a bibliografía xerada mediante o botón "Copiar en el portapapeles". 

Sitúate na carpeta que contén as referencias que queres citar no teu traballo ou selecciona as referencias entre "Todas las referencias", e preme en "Crear bibliografía">"Cita rápida".

• "Elija su tipo de cita": escolle o estilo de cita.

• "Inserte citas": 
  • Marca a referencia que vas a citar e copia a cita; se queres inserir dúas citas á vez marca as dúas. Abre o documento no que vas inserir as citas e pégaas.
  • Marca a seguinte cita (lembra desmarcar a anterior ou anteriores) e continúa o proceso ata inserir todas as citas que necesitas empregar. 

• "Bibliografía": ao rematar de inserir as citas verás que as empregadas terán un marcador cunha estrela. Preme en “Continuar a bibliografía” e xenera a lista de referencias con todas as citas empregadas.

• Copia a bibliografía e pégaa no documento. 

IMPORTANTE: aínda que tamén se pode empregar con estilos numerados (Vancouver, IEEE etc.) é recomendable que nese caso se empregue o complemento RCM (RefWorks Citation Manager).