Impacto: boletín de información bibliométrica da Universidade de Vigo

Presentamos un novo número do boletín Impacto, dedicado nesta ocasión ás publicacións científicas da Universidade de Vigo en cifras. Este boletín ofrece un resumo do informe elaborado pola Área de Servizos Bibliométricos da Biblioteca Universitaria sobre a presenza da Universidade de Vigo nas bases de datos Web of Sciences (WOS) e Scopus entre os anos 2008 e 2017, con especial atención ás publicacións de  2017.

Achegamos ademais dous resumos gráficos:

• a distribución temática das publicacións da UVigo en 2017 en WOS
• a evolución das publicacións da UVigo presentes en WOS nos últimos 10 anos: o número de documentos, o número de documentos publicados en JCR, o número de documentos publicados en colaboración internacional, o impacto normalizado (CNCI) e o número de documentos publicados en acceso aberto.

E por último, dámos a coñecer unha das principais tarefas desta área da Biblioteca: a elaboración de estudos e informes bibliométricos sobre as publicacións científicas do persoal da universidade.