Impacto: boletín de información bibliométrica da Universidade de Vigo

A Biblioteca Universitaria vén de publicar un novo boletín Impacto, o nº 8, dedicado a “Desenvolvemento sostible e ODS nas publicacións científicas”. Neste boletín ofrecemos un resumo dun estudo máis amplo elaborado en xuño deste ano. Para este estudo a fonte de información foi a base de datos bibliográfica Dimensions.

Algúns datos relevantes:

• A Universidade de Vigo publicou, entre 2010 e 2019, 1236 documentos relacionados cos ODS
• España ocupa o posto nº 11 por número de publicacións relacionadas cos ODS
• A Universidade de Vigo ocupa o posto nº 18 entre as universidades españolas, por número de publicacións relacionadas cos ODS

Os obxectivos sobre os que máis artigos publicou a Universidade de Vigo entre 2010 e 2019 son:

• 7 Enerxía accesible e non contaminante: 418 artigos
• 13 Acción polo clima: 195 artigos
• 4 Educación de calidade: 182 artigos

Engadimos no boletín dúas gráficas: a comparación da evolución do número de publicacións da Universidade de Vigo coas universidades da contorna, e a distribución temática das publicacións da Universidade de Vigo relacionadas cos ODS.