Biblioguías: Mulleres e feminismo: Bases de datos

Bases de datos

As bases de datos son potentes ferramentas para a investigación, empréganse para obter información académica sobre un tema. A biblioteca selecciona e subscribe bases de datos de interese para o teu ámbito de estudo, tanto de carácter multidisciplinar como especializadas.

Algunhas bases de datos permiten acceder directamente ao texto completo das publicacións; cando non é así, podes comprobar se a Biblioteca Universitaria ofrece acceso ao texto completo premendo no botón Botón Buscador Perseo

Imaxe: Rexistro bibliográfico co botón de Perseo na base de datos Web of Science

Bases multidisciplinares

Dialnet Plus
Recompila literatura científica hispana: artigos de revistas, teses, libros, reseñas bibliográficas e actas de congresos. Céntrase principalmente nos ámbitos das ciencias humanas, xurídicas e sociais.
- Nota sobre o acceso: para poder consultar este recurso dende fóra da Universidade de Vigo cómpre configurar o proxy no seu navegador seguindo estas instrucións ou ben rexistrarse utilizando un enderezo de correo electrónico da Universidade de Vigo.
- Outras guías e titoriais: Videotitorial
Scopus
Indexa diversos tipos de documentos (artigos, capítulos, actas de congresos, patentes etc.) de todas as disciplinas científicas, cunha cobertura xeográfica moi ampla. Ademais, proporciona métricas derivadas das citas dos documentos polo que se emprega tamén na avaliación da produción científica.

Outras guías e titoriais: videotitorial
Web of Science
Plataforma que da acceso a varias bases de datos bibliográficas multidisciplinares e outros produtos de Clarivate (JCR, Incites etc.).
- A colección principal da Web of Science ou “Core Collection” inclúe: Science Citation Index Expanded (1900-), Social Sciences Citation Index (1956-), Arts & Humanities Citation Index (1975-), Conference Proceedings (1990-), Emerging Sources Citation Index (2019-), Book Citation Index (2005-), Current Chemical Reactions (1985-) e Index Chemicus (1993-).
- Outras guías e titoriais: Training resources Web of Science .
- Subscrita pola Biblioteca da Universidade de Vigo coa colaboración da Fundación Española para la Ciencia y la Tecnología, Ministerio de Ciencia, Innovación y Universidades.

Bases especializadas

BIESES: Bibliografía de escritoras españolas
Recurso de acceso aberto con máis de 11.000 referencias primarias e secundarias relativas ás escritoras españolas, desde a Idade Media ata 1800. Na base de datos pódense atopar:

Noticias sobre as autoras expresadas nos datos biográficos básicos de cada unha delas, sempre tomados das referencias máis solventes e actualizadas.
Obras das propias autoras: libros completos, impresos ou manuscritos, pequenos textos -como poemas, cartas, capítulos ou seccións de libros, dedicatorias-, con ligazóns aos testemuños dixitais existentes cando os hai.
Noticias sobre a recepción das autoras: citas en documentos ou outros textos do período, noticias das súas obras en inventarios ou en bibliotecas, referencias feitas por outros autores etc.
Estudos sobre as escritoras, artigos en revistas científicas, libros, especializados ou xerais, biografías etc., publicados en calquera lugar e cunha ligazón ao documento íntegro nos casos en que estea dispoñible.
Edicións modernas dos textos.

Recursos electrónicos A-Z

Podes obter máis información sobre as bases de datos ás que tes acceso consultando a listaxe de Recursos electrónicos A-Z.