AMIT, Asociación Española de Mujeres Investigadoras y Tecnólogas
Páxina da asociación AMIT integrada por investigadoras e tecnólogas de disciplinas variadas, procedentes de universidades, o Consello Superior de Investigacións Científicas (CSIC) e a industria. Reúne recursos e información de interés sobre lexislación, normativa e publicaciónss referidas ás mulleres e á ciencia.
Mujeres con ciencia, Cátedra de Cultura Científica de la UPV/EHU
Blog que nace co obxectivo de mostrar o que fan e fixeron as mulleres que se dedicaron e dedican á ciencia e á tecnoloxía. Reúne biografías, entrevistas, eventos, efemérides e todo tipo de crónicas ou feitos relevantes.
Oceánicas: la mujer y la oceanografía, CSIC
Plataforma para a divulgación do traballo de científicas dedicadas ao estudo dos océanos e poñer en valor o legado das mulleres pioneiras da oceanografía. Contén os blogs: Oceánicas de hoxe, Oceánicas pioneiras, Oceánicas blogueiras.
Unidade de Muller e Ciencia de Galicia, Xunta de Galicia
Páxina da Unidade de Muller e Ciencia de Galicia, órgano colexiado de asesoramento, elaboración de informes e recomendacións. A páxina recolle recursos, novas, actividades e información sobre o Premio María Josefa Wonenburger Planells, que outorga anualmente desde o ano 2007 a Xunta de Galicia a través da Unidade de Muller e Ciencia.
Ciencias da saúde
Observatorio de Salud de las Mujeres (OSM), Ministerio de Sanidad
Páxina do OSM que reúne información sobre o traballo deste órgano de asesoramento e análise, con 4 áreas de intervención: transversalidade de xénero, violencia contra as mulleres; saúde sexual e reprodutiva e formación.
WOMEDS: WOmen in MEDicine in Spain
O proxecto WOMEDS (Women in Medicine in Spain) é un observatorio que monitoriza as áreas de mellora na representación das mulleres nas posicións de liderado na medicina española. Analiza catro ámbitos da profesión médica: asistencial, investigación, representación científico-profesional e carreira académica. Contén noticias e estatísticas de liderado feminino en medicina.
