Mulleres e feminismo

Para  localizar as teses de doutoramento da Universidade de Vigo podes empregar dúas fontes propias: Investigo e Perseo.

Investigo é o repositorio institucional da Universidade de Vigo que recolle, difunde e preserva a produción científica do seu persoal investigador, e polo tanto recolle tamén:

• as teses de doutoramento lidas na Universidade de Vigo a partir de xaneiro de 2017 e que están depositadas baixo unha licenza Creative Commons By-Nc-Nd.
• teses anteriores ao 2017, depositadas no Arquivo Universitario en formato cd-rom, cuxo/a  autor/a asinou a autorización de depósito e difusión en Investigo.

Para saber como buscar en Investigo, podes consultar a axuda de investigo, no apartado "Buscar e Atopar". 

Consulta esta selección de teses de doutoramento en Investigo sobre feminismo. 

No buscador Perseo podes localizar as teses da Universidade de Vigo anteriores a 2017. Algunhas poderás levalas en préstamo,  pero as teses inéditas (non publicadas), que están depositadas e custodiadas no Arquivo Universitario, están excluídas do préstamo e para a súa consulta en sala precisas encher un formulario de compromiso de non reprodución e de cita da fonte.