Ir ao contido principal
Universidade de Vigo
BIBLIOGUÍAS
Universidade de Vigo

Acordos editoriais para publicar en acceso aberto

IEEE

As tres universidades galegas, a través do CISUG, participan no acordo asinado entre a CRUE-CSIC coa editorial IEEE que permite a lectura da colección de revistas incluídas en IEEEXplore, ademais da publicación en acceso aberto nas revistas híbridas do catálogo de IEEEXplore, excepto 29 revistas "Non OA" nas que a sociedade editora non contempla a publicación en Acceso Aberto. O acordo tamén inclúe un 20% de desconto nas APC das revistas Fully OA.

  • Os/as autores/as deben engadir, no apartado "Funding" ou "Acknowledgements" do artigo, a frase: Funding for open access charge: Universidade de Vigo/CISUG.

Características do acordo

  • Tipoloxía documental: artigo de investigación
  • Tipoloxía de fonte: revistas híbridas e revistas Fully OA
  • Cobertura temporal: a data de aceptación do artigo debe estar comprendida entre o 16/06/2023 ata o 31/12/2025
  • Cobertura do custo do APC: 100% do custo do APC en revistas híbridas e 20% de desconto en revistas Fully OA
  • Cobertura de número de artigos: número limitado por universidade ata esgotar os fondos adxudicados
  • Tipos de licenza: Creative Commons: CC-BY 4.0, CC-BY-NC-ND (para as revistas híbridas). Máis información sobre licenzas.

Instrucións para as/os autoras/es

  • Cando localices unha publicación á que che gustaría enviar un artigo, preme en "Submit Manuscript" para comezar co proceso de envío e continuar coas indicacións do sistema.
  • No paso de envío de autor/a e filiacións, engade o nome da túa institución na pantalla "Edit Account Information" e selecciona entre os resultados que se mostran o ID de Ringgold da Universidade de Vigo (16784). Os resultados axudarán a relacionar o teu artigo cun acordo de acceso aberto como método principal de autenticación. Asegúrate de utilizar o correo institucional, xa que este se utilizará para asociar o teu manuscrito ao acordo de acceso aberto.
  • Se o teu artigo é aceptado e publicado como acceso aberto, recibirás unha notificación por correo electrónico sobre os procesos de pago de APC e os pasos que debes seguir.
  • A administradora de acceso aberto da Universidade de Vigo recibirá e revisará a solicitude de financiamento para o teu artigo.

Para garantir un procesamento preciso, asegúrate de elixir o nome da túa institución e de utilizar o teu correo electrónico institucional durante o envío.