Acordos editoriais para publicar en acceso aberto

SCOAP3 (Sponsoring Consortium for Open Access Publishing in Particle Physics) é un proxecto de física de altas enerxías impulsado polo CERN, no que participan máis de 3000 bibliotecas, centros de investigación, consorcios, axencias de financiamento e editores científicos como IOP, Springer ou Elsevier.

A través da achega que fan as organizacións que participan no proxecto, SCOAP3 paga de maneira centralizada aos editores os custos involucrados en proporcionar acceso aberto, liberando os autores/as de asumir eses custos.

Características do acordo

O persoal investigador da Universidade de Vigo pode acceder en acceso aberto e gratuíto a artigos de revistas subscritos polas institucións participantes e, ademais, pode publicar nelas sen pagar as APC e mantendo o seu copyright. Todos os artigos publícanse baixo licenzas CC-BY.

1. Consulta na web do proxecto a lista de revistas incluidas no acordo: SCOAP3 Journals
2. Selecciona a revista na que queres publicar. 
3. Envía o manuscrito. O proceso de envío aparece detallado de maneira específica no apartado “Author Guidelines” de cada unha das revistas. Para cada unha delas, detállase tamén a porcentaxe de artigos dedicado a física das altas enerxías.

Imaxe: SCOAP3 Journals

No proceso de envío, é recomendable que inclúas o teu identificador ORCID.

Todos os artigos publicados baixo este consorcio SCOAP3 aparecen no repositorio de SCOAP3 para a súa posterior distribución.