Acordos editoriais para publicar en acceso aberto

MDPI é unha editorial académica que publica máis de 200 revistas científicas revisadas por pares, en formato electrónico e de acceso aberto.

A Universidade de Vigo asinou un acordo anual de membresía, Institutional Open Access Program (IOAP), que ofrece aos/ás autores/as un desconto do 10% nas taxas de publicación (APC) en todas as súas revistas. 

Características do acordo:

• Tipoloxía documental: artigo de investigación
• Tipoloxía de fonte: revistas de acceso aberto (Gold OA)
• Tipos de licencia: creative commons CC-BY
• Requisito: autor/a con correo-e da universidade
• Cobertura do custo do APC: 10% do custo do APC

1. Selecciona a revista e consulta os requisitos propios de cada título.
2. Rexistro e identificación: para que se poida aplicar o desconto, é fundamental que os datos de filiación e o correo electrónico queden claros, tanto no rexistro como no envío do manuscrito. O/a autor/a debe ser membro da Universidade de Vigo e estar rexistrado/a cunha dirección de correo electrónico baixo algún dos dominios institucionais. 
3. Envía o manuscrito e selecciona o nome da Universidade de Vigo no despregable de institución que se mostra para o envío en liña.
4. O desconto aplícase seleccionando a institución participante no Institutional Open Access Program (IOAP) no momento da publicación do traballo. O prezo final reflectirase na factura que recibirá o/a autor/a.

• Information for authors
• Article Processing Charges (APC) Information
• Información sobre membresía e IOAP (Institucional Open Access Program)