Acordos editoriais para publicar en acceso aberto

As tres universidade galegas, a través do CISUG, participan no acordo asinado entre a CRUE-CSIC e a editorial RSC, Royal Society of Chemistry para o período 2023-2025, que permite a lectura da colección de revistas de RSC, ademais da publicación en acceso aberto nas revistas híbridas e en 4 revistas Gold OA da editorial.

Os/as autores/as deben engadir, no apartado "Funding" ou "Acknowledgements" do artigo, a frase: Funding for open access charge: Universidade de Vigo/CISUG.

Características do acordo

• Tipoloxía documental: artigos de investigación: article, reviews etc.
• Tipoloxía de fonte: revistas híbridas e unha selección de revistas Gold OA: RSC Chemical Biology, Materials Advances, Nanoscale Advances e RSC Advances.
• Cobertura temporal: data de aceptación do artigo: do 1/1/2023 ata o 31/12/2025
• Cobertura do custo do APC: 100% de desconto do custo do APC e 15% de desconto cando remate o fondo
• Cobertura de número de artigos: número limitado por universidade ata esgotar os fondos adxudicados
• Tipos de licenza: Creative Commons CC-BY ou CC-BY-NC

Cando o artigo sexa aceptado, recibirás un correo electrónico cunha ligazón de acceso ao sistema de RSC.

1. Debes comprobar que os datos do teu artigo son correctos.
2. Se estás correctamente identificada/o co correo electrónico institucional, o sistema ofrecerache a posibilidade de escoller entre publicar en acceso aberto ou baixo subscrición.
3. Se escolles publicar en acceso aberto, debes seleccionar a licenza: CC-BY ou CC-BY-NC.
4. Revisa os datos e preme en confirmar.

• RSC Read & Publish
• Open Access Publishing