Ir ao contido principal
Universidade de Vigo
BIBLIOGUÍAS
Universidade de Vigo

Acordos editoriais para publicar en acceso aberto

Springer

DESDE O DÍA 27/10/2025 NON HAI APC DISPOÑIBLES PARA PUBLICAR EN SPRINGER

As tres universidades galegas, a través do CISUG, participan no acordo asinado entre a CRUE-CSIC e a editorial Springer Nature que permite a lectura da colección de revistas incluídas en Springer Nature e a publicación en acceso aberto nas revistas híbridas do catálogo de Springer-Adis. Quedan excluídas do acordo as publicacións de Nature Journals, Academic Journals e Palgrave.

Os/as autores/as deben engadir, no apartado "Funding" ou "Acknowledgements" do artigo, a frase: Funding for open access charge: Universidade de Vigo/CISUG.

Características do acordo:

  • Tipoloxía documental: artigos de investigación (original paper, review paper, brief communication, continuing education)
  • Tipoloxía de fonte: revistas híbridas de Springer&ADIS e algunhas das revistas fully open access (só as que pasaron do modelo híbrido a fully open access "flipping jounals").
  • Cobertura temporal: data de aceptación do artigo ata o 31/12/2027
  • Cobertura do custo do APC: 100% do custo do APC
  • Cobertura de número de artigos na UVigo para o ano 2025: 48 APC en revistas híbridas
  • Tipos de licenza: creative commons CC-BY, CC-BY-NC

Instrucións para as/os autoras/es

Envío do manuscrito á editorial.

a) Unha vez que o teu traballo foi aceptado, se o corresponding author está correctamente identificado, recibirá un correo electrónico de SpringerNature con instrucións para completar o acordo de publicación.

b) Unha vez identificado o autor ou autora, debes buscar e seleccionar a Universidade de Vigo dentro do despregable para que a identificación funcione. Aparecerá unha xanela emerxente con información sobre o acordo transformativo, tipo de artigo elixible e tipos de licenza.

c) A biblioteca autorizará ou denegará o pago da APC (en caso de non cumprires algún dos requisitos), e comunicarache esta circunstancia por correo electrónico.

d) Se o pago do APC é aceptado, o/a autor/a debe elixir o tipo de publicación: OA ou baixo subscrición. Debes elixir tamén o acordo de publicación correcto e seleccionar e firmar a licenza.