As referencias ordénanse alfabeticamente pola primeira palabra da referencia, tendo en conta que:
- Se un autor ten varias obras, ordenaranse pola data de publicación (da máis antiga á máis recente).
- No caso de obras dun mesmo autor e ano distinguiranse incluíndo unha letra minúscula despois do ano, tanto na referencia como na cita no texto. Nestes casos, as referencias que só inclúen o ano preceden ás máis específicas, e estas últimas colócanse en orde cronolóxica. Se as referencias tamén teñen datas idénticas, entón ordenaranse alfabeticamente polo título (sen ter en conta as palabras "A", "An" e " The" ao comezo do título).
- Autores cos mesmos apelidos e diferentes iniciais ordenaranse pola orde alfabética das iniciais (nas citas no texto tamén se incluirán as iniciais do nome).
- As referencias das publicacións individuais preceden as obras en colaboración cando comezan co nome da mesma persoa, aínda que a obra en colaboración se publicara con anterioridade.
- No caso de traballos dun autor en colaboración con outros autores, a orde virá indicada polo apelido do segundo autor ou o terceiro en caso de coincidir o segundo e así sucesivamente, independentemente do ano de publicación.
- Os números ordénanse como se estiveran escritos con letras (por exemplo: 24 ordénase coma se puxera vinte e catro).
