Ir ao contido principal
Universidade de Vigo
BIBLIOGUÍAS
Universidade de Vigo

Estilo APA

APA considera que unha tese está publicada cando está dispoñible nunha base de datos, arquivo ou repositorio institucional. 

Referencias de teses e traballos de fin de estudo publicados

Autor. (Ano de publicación). Título do traballo en cursiva [Tese de doutoramento, Nome da institución]. Fonte.
  • Se a base de datos asigna números de publicación ás teses, este engádese entre paréntese despois do título da tese, pero sen cursiva.
  • No elemento fonte da referencia proporciónase o nome da base de datos, repositorio ou arquivo onde se recuperou.

Exemplo:

Rey Rocha, J. (1998). Research in earth sciences in the framework of the spanish system of scientific evaluation: A bibliometric analysis (Publicación núm. 9986131) [Tese de doutoramento, Universidad Autónoma de Madrid]. ProQuest Dissertations & Theses Global.

Autor. (Ano de publicación). Título do traballo en cursiva [Tese de doutoramento, Nome da institución]. Fonte. URL con acceso 
  • Se a base de datos asigna números de publicación ás teses, este engádese entre paréntese despois do título da tese pero sen cursiva.
  • No elemento fonte da referencia proporciónase o nome da base de datos, repositorio ou arquivo onde se recuperou.
  • A URL só se inclúe se permite aos lectores acceder ao texto completo, senón remata a referencia co nome da fonte.

Exemplo:

Losada Sánchez, M. N. (2013). Comportamiento turístico de los seniors a partir de las variables del ciclo de vida, nivel sociocultural y factores autopercibidos [Tese de doutoramento, Universidade de Vigo]. Investigo. http://hdl.handle.net/11093/101

Teses doutorais e traballos de fin de estudos non publicados

Autor. (Ano de lectura). Título do traballo en cursiva [Tese de doutoramento inédita]. Nome da institución. 

*Este mesmo formato pódese adaptar a outros traballos de fin de estudos inéditos, cambiando a redacción da descrición entre corchetes segundo corresponda.

Exemplo:

Rodríguez, M. L. (2009). El Cine como estrategia promocional y de definición de producto artístico: Evaluación de su impacto en la imagen percibida del destino [Tese de doutoramento inédita]. Universidade de Vigo.